Error message

Notice: Undefined offset: 1 in counter_get_browser() (line 70 of /home/shahid/public_html/sites/all/modules/counter/counter.lib.inc).

Blind log rang, paisa aur malbusaat kese pehchantey hen?

kuchh nabina afrad kuchh khas rang pehchan pate hen. baaz nabina afraad ki itni nazar hoti hai k wo sab Colours dekh pate hen. kuchh sirf Bright Colours he pehchan skte hen. jo log mukammal tor pr Blind hote hen, wo koi rang b dekh nahi pate. dekhne ki hiss se mehroom hone k bavjood nabina afraad k liye Colours k bare me jan,na itna he zaroori hai jitna k kisi basaarat wale k liye. rangoon ka ilm sajaawat or malbusaat k intikhab me madad deta hai. nabina afraad ko maloom hota hai k aasmaan ka rang nila aur ghas taqreeban sabz hota hai. isi tarha samundar aur pattun k rangoon ki maloomat b un ko pta hoti hen. jab ap un k samne kisi rang ka tazkira krte hen to un k zehen me us rang ki kisi na kisi cheez ka nam aa jata hai aur wo mamaasalat se us rang ki khoobsurti ko mehsoos kr lete hen.
ap jab b kisi nabina shakhs se milein ge to un ko saf suthra aur behtareen libaas me paaen ge. Blind lrkiyan b Sighted Girls ki tarha Dresses, Makeup or singhaar ki shoqeen hoti hen. aam tor pr nabina afraad chhu kr Dresses ko pehchan jate hen. kuchh un k buttons waghaira ki banawat aur Design se pehchantey hen. goya hr kisi ne koi na koi nishani rakhi hoti hai jis se pehchan leta hai. nabina afraad ik khas tarteeb me apne malbusaat ko rakhtey hen takeh wo Mix na hun. kuchh log Braille Tags ka b istimaal krte hen. ap jab b kisi Blind ko koi Dress Gift kren to us k baarey me zaroor btaaen k is ka rang keya hai aur is k Features keya hen. meri ap ko salaah yeh hai k Description den ya na den, tohfa zaroor den. lol
aj kl Smart Phones me aisi Apps b aa gai hen jo Colours Identify kr leti hen.
ab aaty hen Money ki janib.
jo paisa kama leta hai, us ko baghair dekhe he ik ik rupey ki pehchan ho jati hai. yaqeen na aye to ab ki baar jb tankhawaah lene jaaen to aankhen band kr k Count krne ki koshish kijiye ga. hahah.
Coins mukhtalif Size me hote hen. un ki banawat or Design k farq ko chhu kr parkha ja skta hai. qaaghaz k paisun me b koi na koi farq numaya hota hai. nabina afrad ik tarteeb se paisey rakhtey hen. msln, sb se upr hazaar wale note, us se nichhey 500, phir 100 aur isi tarha tarteeb chalti hai. hr kisi ka tareeqa mukhtalif ho skta hai. is k liye koi Standard mojood nahi hai. koi shakhs ho skta hai k tarteeb wale Formula se pehchan rakhta ho, koi doosra ho skta hai k Folding k andaz me pehchan kr leta ho. nabina afraad apni asaani k mutabiq hr msle ka koi na koi hl dhoond lete hen.