Error message

Notice: Undefined offset: 1 in counter_get_browser() (line 70 of /home/shahid/public_html/sites/all/modules/counter/counter.lib.inc).

Blind ki Life kesi hoti hai?

jab koi neya neya nazar se mehroom hota hai to usey bohat be-bsi ka ehsas hota hai aur andherey se drne lgta hai. aisa is liye hota hai q k us ne abhi tk yeh sikha nahi hota k ba-tor e nabina us ko mukhtalif kaam kese sar-anjam dene hen. magar jab wo sb kuchh seekh leta hai to sb kuchh us k liye Normal ho jata hai. nabina afraad b apni zindagi me wohi sb krte hen jo koi b dekhne wala krta hai. hm School jate hen. parhai krte hen. khana khate hen. nahaatey hen. namaaz parhte hen. bazaarun me jate hen. Shopping krte hen. Jobs krte hen. shadiyan krte hen. hamarey bachey hote hen. goya k sb kuchh krte hen jo hr insan ko krna prta hai. yeh sb kuchh krte huay hm yeh b nahi sochtey k hm dekh nahi skte. jese roz ap nahi yaad rakhtey k ap k balun ka rang keya hai ya phir k suraj nikla hai ya nahi?
aankhen bnd kr k ap nahi jaan sken ge k nabina ho kr koi kesa mehsoos krta hai q k jo Training aur Experience Blind k pas hota hai, wo ap k pas nahi hota. ho skta hai k ap apne ap ko kuchh nuqsan pohancha len ya kuchh tor dalen. kisi se takra jaaen ya koi bhari nuqsan kr dalen. aisa krne se ap k zehen me manfi sochein aaen ge. mgr hm nabina aam tor pr aise nuqsanaat nahi krte q k hamarey pas tajurba or cheezun se ap se mukhtalif andaz me krne ka saleeqa hota hai.
nabina afraad apni zindagiyun me itne masroof hote hen k unhen apni Blindness k hawale se sochne ka b waqt nahi milta. agar ap tajassus rakhtey hen to un se sawaalat krne se sharmaaen mt. hm Blind bilkul b ap k kisi sawaal se preshan nahi hote.